【3個常見裝修陷阱 拆解招數你要知！ 】

by · Published · Updated

Tags:

【3個常見 #裝修陷阱 拆解招數你要知！ 】

為咗令個 #安樂窩 愈住愈舒服，唔少 #業主 都會為其進行大大小小嘅 #裝修工程～如果唔小心揀咗間無良 #裝修公司 ，隨時大失預算！即刻去片睇吓有咩常見嘅裝修陷阱，下文仲教你點樣避免！

拆解招數一 : 濫裝電掣?
裝修前最好同裝修師傅一齊規劃所有 #電掣 同 #插蘇嘅分佈，了解清楚收費準則，因為「#單蘇」、「#孖蘇」或更換電掣蓋面喺行內都有唔同收費。最後喺訂立 #合約 時更加要列明每個電掣數目、位置同蓋面收費。

拆解招數二 : 用料質素參差?
可以同裝修師傅一齊選購物料，並拍照作紀錄，方便日後監工所用。而且要喺合約仔細列明各用料嘅款式同數量，減低出現用料參差嘅情況。

拆解招數三 : 防水工程?
合約上要列明 #廚房 同 #廁所 已包 #防水工程，字面描述愈詳細愈好。例如要由 #浴缸 改做 #企缸嘅話，合約上唔應該淨係寫「改為企缸」，最好寫成「改為防水企缸」。而且合約上亦緊記要包括企缸 #地台 嘅防水工程，因為合約上無列明嘅話，好容易會被刻意漏做。

可以的話，業主最好親自跟進施工，並定期拍照作為日後證據。當工程有任何改動時，應再次記低項目報價同更新合約！

Tags:

You may also like...