【慎防物業買賣騙案　買家可以點保障自己？】

by Tammy Chan · Published 2017-09-08 · Updated 2019-07-04

當發現二手市場出現一啲比市價平嘅單位，大家都不禁懷疑會唔會係物業買賣騙案，例如該單位係「負資產」，有未解除嘅按揭，業主只為套現，收到訂金後就會逃之夭夭，令物業無法成交，買家買不到樓之餘，更蒙受金錢的損失。當買家有所懷疑時，#訂金託管就幫到手喇！

所謂訂金託管，即係將訂金託管喺業主律師行，等買家律師確認樓價餘款足夠清還現存之按揭及符合合約內其他條款後，先至向賣方發放訂金(或成交時先一次過俾錢業主)，避免賣家可能「#挾訂潛逃」，令買家蒙受損失。當然，買家要求訂金託管都有一定機會成本 (例如業主會堅持選擇賣俾唔使做訂金託管嘅買家，因而失去購入該物業嘅機會)，但物業買賣始終涉及大額交易(尤其係首次上車人士)，小編建議買家先自行評估風險或事前向律師進行諮詢。